ગુજરાતી લગ્ન કાર્ડ મેકર – મોડર્ન ઇ-ઇન્વિટેશન, ફ્રી

ઓનલાઇન લગ્ન કાર્ડ કેવી રીતે બનાવવું

હવે લગ્નના સમાચાર પહેલાં WhatsApp પર જાય છે અને છાપેલી કંકોત્રી પછી. અહીં 50થી વધુ મોડર્ન ડિઝાઇન છે, જેની દરેક લાઇન બદલી શકાય છે. ન ઍપ, ન સાઇન-અપ – કાર્ડ તમારા બ્રાઉઝરમાં જ બને છે, એટલે નામ, ફોટો અને મહેમાનોની યાદી તમારા ફોનમાંથી બહાર જતી નથી.

1. 1

   ડિઝાઇન પસંદ કરો

   ફ્લોરલ, મિનિમલ, લક્ઝરી, બોહો, ફોટો કે કમાન – સ્ટાઇલ પ્રમાણે ફિલ્ટર કરો અને તમારા લગ્નને શોભે તે પસંદ કરો. દરેક ડિઝાઇન અનેક રંગોમાં મળે છે.

2. 2

   વિગતો લખો

   કન્યા અને વરનાં નામ, ઉપરની લાઇન, તારીખ, સમય, સ્થળ અને સરનામું, "રિસેપ્શન સાંજે 7:30 પછી" જેવી નોંધ અને RSVP નંબર. જે લાઇન ન જોઈએ તે ખાલી રાખો – ડિઝાઇન જગ્યા આપોઆપ ગોઠવી લે છે.

3. 3

   તમારી રીતે સજાવો

   રંગ અને ફૉન્ટ સ્ટાઇલ બદલો, ફોટોવાળી ડિઝાઇનમાં તમારો પ્રી-વેડિંગ ફોટો મૂકો. પ્રિવ્યૂમાં બરાબર એ જ કાર્ડ દેખાય છે જે સેવ થશે.

4. 4

   ડાઉનલોડ કરો કે મોકલો

   WhatsApp અને Instagram માટે પૂરું JPG, છપાવવા માટે PDF, કે દરેક મહેમાનના નામવાળું કાર્ડ એક ZIPમાં – કે સીધું અહીંથી બધાને WhatsApp પર મોકલો.

લગ્ન કાર્ડ પર શું લખવું – ગુજરાતી લખાણ

• ઉપરની લાઇન: "॥ શ્રી ગણેશાય નમઃ ॥", "બંને પરિવારના આશીર્વાદથી" કે "માતા-પિતાના આશીર્વાદ સાથે".

• નિમંત્રણ: "અમારી દીકરી ચિ. પ્રિયાના શુભ લગ્ન પ્રસંગે આપને સહપરિવાર પધારવા ભાવભર્યું આમંત્રણ છે."

• નામ: મોડર્ન કાર્ડ પર ફક્ત પહેલું નામ – "પ્રિયા & રાહુલ"; ઔપચારિક કાર્ડ પર "ચિ. રાહુલ સંગ ચિ. પ્રિયા".

• તારીખ અને સમય: "શનિવાર, 12 ડિસેમ્બર 2026 · સાંજે 7 વાગ્યે" – વાર લખવાનું ભૂલશો નહીં.

• નોંધ: "રાસ-ગરબા અને ભોજન", "ડ્રેસ કોડ: પેસ્ટલ" કે "ચાંદલો સ્વીકાર્ય નથી".

• છેલ્લી લાઇન: "આપના આગમનની આતુરતા – શાહ અને પટેલ પરિવાર".

• RSVP: "1 ડિસેમ્બર સુધીમાં જણાવશો · 98250 12345".

દરેક મહેમાનને તેમના નામવાળું કાર્ડ WhatsApp પર મોકલો

કાર્ડની ઉપર "આદરણીય મીનાબેન" લખેલું હોય તો મહેમાનને લાગે કે આમંત્રણ ખરેખર તેમના માટે છે. બસો નામ હાથે લખવામાં આખી સાંજ જાય; Rapid Sender દરેક કાર્ડ પર મહેમાનનું નામ છાપીને તમારા જ WhatsApp નંબરથી એક પછી એક મોકલે છે.

"Print each guest’s name" ચાલુ કરો અને નામ પહેલાંના શબ્દો લખો – "આદરણીય", "પ્રિય", "મુ. શ્રી" કે કંઈ નહીં. પછી "Send on WhatsApp to every guest" દબાવો, Excel કે CSVમાંથી યાદી ઉમેરો કે નંબર પેસ્ટ કરો, એક વાર QR કોડ સ્કૅન કરો અને મોકલવાનું શરૂ કરો. અંતે રિપોર્ટ બતાવે છે કે કોને કાર્ડ મળ્યું.

ગણેશ સ્થાપના, મંડપ મુહૂર્ત, મામેરું અને હસ્તમેળાપ સાથેની પરંપરાગત કંકોત્રી જોઈએ તો લગ્ન કંકોત્રી મેકર વાપરો.